Պարբերականը գրում է, թե Հայաստանի ռուսական համայնքներում մեծանում է դժգոհությունը ոչ միայն Ռուսաստանի դեսպանատան, այլեւ Հայաստանում Ռուսաստանի դեսպան Վյաչեսլավ Կովալենկոյի աշխատաոճից: «Նշվում է ոչ միայն այն, որ դիվանագիտական այս կառույցի աշխատանքը դեռեւս շարունակում է չբավարարել, այլեւ այն, որ դեսպանատունը ոչինչ չի ձեռնարկում բազմաթիվ ռուսական համայնքներում տեղ գտած պառակտվածության ու հակասությունների դեմն առնելու համար: Այս հանգամանքը խորանում է նաեւ նրանով, որ Ռուսաստանը, փաստորեն, դադարեցնում է աշխատանքը «Հայրենակիցներ» ծրագրով: Այս ամենն առանձնապես տխուր է այն համատեքստում, որ իրավիճակի բարելավման ռուսական համայնքների հույսները, նախկին «վերացական դեսպան» Պավլովին նորով փոխարինելուց հետո, շատ մեծ էին»,-նկատում է թերթը:
