Թերթը գրում է, որ ՕԵԿ-ը թեեւ արեց իր համագումարը, սակայն չի շտապում ոչ համամասնական, ոչ էլ մեծամասնական ընտրակարգով առաջադրումներ անել: «Պարզվում է` այստեղ դեռեւս չեն քննարկել ու չեն ավարտել այդ աշխատանքները: ՕԵԿ մամուլի խոսնակ Սուսաննա Աբրահամյանը «Ժողովուրդ»-ի հետ զրույցում ասաց, որ ցուցակը կներկայացնեն սահմանված ժամկետում, իսկ թե երբ նա չգիտեր: Աբրահամյանն ասաց, որ դեռ հայտնի չէ, թե քանի թեկնածու կառաջադրեն: Նշենք, որ ՕԵԿ-ին` որպես կոալիցիոն փոքր եղբոր, ՀՀԿ-ն թույլ է տվել առաջադրել որքան թեկնածու կունենա, բայց նաեւ նշվել է, ո իրենք այդ թեկնածուներին պատգամավոր չեն դարձնի»,- գրում է «Ժողովուրդ»-ը:
