Թերթը գրում է, որ գարնան օրերը տաքանալուն պես ոստիկանապետ Վովա Գասպարյւսնը արեւի հանեց նաեւ կին ոստիկաններին: «Կառավարության հերթական նիստի օրը «արտակարգ» ծառայություն էր դրսում: Մշտական ակցիայի մասնակիցներին այս անգամ հսկում էին կին ոստիկաններ, որոնք ավելի զուսպ ու սակավախոս էին, քան արական սեռինը: Հիշեցնենք, որ Գասպարյանը ստեղծել է պարեկապահակային մի կառույց, որի ներկայացուցիչները տիրապետում են մի քանի լեզուների եւ մի շարք հմտությունների: Այստեղ մոտ 40 տոկոսը կանայք են: Բայց սա մեր իրականության մեջ նոր չէ` ժամանակին էլ Վանո Սիրադեղյանն էր ստեղծել կին-պետավտոտեսուչների գունդ, որոնք մեծ աշխուժություն էին առաջացրել մայրաքաղաքում»- գրում է «Հրապարակ»-ը:
