Թերթը գրում է, որ այսօրվանից աշխատանքից կազատվեն ԱԺ պատգամավորների օգնականները: Խոսքը նրանց մասին է, ովքեր համարվում են հաստիքային օգնական եւ պետական բյուջեից աշխատավարձ են ստանում:
«Ըստ մեր տեղեկությունների՝ Սամվել Նիկոյանի մոտ քննարկվել է պետական բյուջեի միջոցները խնայելու տարբերակ:
Առաջարկվել է ԱԺ նոր պատգամավորների օգնականներին աշխատանքի ընդունել միայն սեպտեմբերից, մանավանդ որ ամռանը բոլորն արձակուրդում են: Դա թույլ կտա առնվազն 3 ամսվա գումար խնայել»,- գրում է թերթը: