ԱԺ անկախ պատգամավոր Վիկտոր Դալլաքյանի հայտնի հայտարարությունից հետո, հայ օլիգարխներից մի քանիսը զանգահարել են ԲՀԿ առաջնորդ Գագիկ Ծառուկյանին ու ասել, թե ինչո՞ւ են ԲՀԿ-ում Վիկտորի հայտարարությունը վերցրել իրենց վրա, երբ որեւէ անուն չի հնչել՝ գրում է «Իրատես de facto»-ն: Ըստ թերթի՝ զանգող օլիգարխներից մեկն էլ ավելի հեռուն է գնացել ու ասել .«Այ, Գագո, ես էլ եմ հաստավիզ, հիմա ի՞նչ, հայտարարությունը վերցնեմ իմ վրա՞»:
Ի դեպ, թերթի տեղեկություններով՝ ԱԺ փոխխոսնակի իր թեկնածուին ԲՀԿ-ն նախապես պետք է ներկայացնի (ներկայացրել է) նախագահական: Սերժ Սարգսյանն ասել է՝ պետք է տեսնեմ ցուցակը, միասին որոշենք՝ ով է նշանակվելու, հենց էնպես չպետք է թողնել այս հարցը:
Մեր կողմից հավելենք, որ քանի որ այդ թեկնածուն Սամվել Բալասանյանն է, նշանակում է, որ հենց նա է հավանության արժանացել նախագահականի կողմից: