Թերթը գրում է, որ մոտ ապագայում նախատեսվում է Գեղարքունիքի եւ Տավուշի մարզպետների փոփոխություն: Ընդ որում, ներկա ղեկավարներին փոխարինելու են երկրի զինված ուժերում գործող գեներալներ, որոնք հրաժարական կտան: Չի ասվում, սակայն, այդ փոփոխությունները պայմանավորված են նախագահին ավելի հաճո դեմքերի նշանակմա՞մբ, թե՞ սահմանամերձ այդ շրջաններում տիրող բարդ իրավիճակով: Փոխարենն ասում են, որ այդ որոշումը կարող է լինել «երկուսը մեկում»՝ ե՜ւ ընտրությունների նախօրեին ՀՀԿ-ի դիրքերի ամրապնդում, քանի որ Գեղարքունիքի մարզպետը Գագիկ Ծառուկյանի մարդն է համարվում, ե՜ւ Ադրբեջանի հետ սահմանային իրադրության սրման պայմաններում կարգուկանոն ապահովում:
