ՆախընտրելիՎրաստանը կսահմանափակի գերմանացի դիվանագետ Դիտեր Բոդենի հետ շփումները, որը նախկինում գլխավորում էր երկրում ԵԱՀԿ-ի եւ ՄԱԿ-ի առաքելությունները: Այդ մասին հայտարարել է արտգործնախարար Նինո Կալանդաձեն:
Դիտեր Բոդենը եվրոպական տարբեր հիմնադրամների գծով շարունակում է այցելել Թբիլիսի որպես փորձագետ, նա նաեւ լինում է Աբխազիայում, որի խնդրով մի քանի տարի առաջ զբաղվել էր սերտորեն` առաջարկելով կողմերի համագործակցության բանաձեւեր, մեկնաբանում է «ՎԶԳԼՅԱԴ»-ը:
Ըստ Կալանդաձեի` Դիտեր Բոդենը «հրապարակայնորեն քննադատում է միջազգային գործընկերների հետ վրացական կողմի նախաձեռնությունները», նրա ռազմավարությունը Աբխազիայիեւ Հարավային Օսիայիխնդիրների լածման ուղղությամբ նա անվանել է «երեւակայական»:
Փոխնախարարը նշել է, որ Դիտեր Բոդենը հաճախ է խոսում Վրաստանի սխալների մասին` այն համեմատելով «Երրորդ ռեյխի» հետ, եւ Վրաստանին կոչ է անում «ներողություն խնդրել, ինչպես որ իր ժամանակին արել էր նացիստական Գերմանիան»: «Նման դիրքորոշումը կտրականապես անընդունելի է վրացական կողմի համար», – հայտարարել է նա:
Ընդ որում նա նշել էր, որ Վրաստանը չի արգելում նրան գալ, բայց նրան չի ընդունի պաշտոնական մակարդակով` պատվիրակության կազմում: Դիտեր Բոդենի այցը նախատեսվում է այս շաբաթ:
