նախընտրելի դարձնելՍերբիայում նախագահական ընտրությունները կանցկացվեն մայիսի 6-ին, միաժամանակ տեղի կունենան նաեւ խորհրդարանական եւ ավագանու ընտրությունները: Այդ մասին ապրիլի 5-ին հայտնել է երկրի խորհրդարանի նախագահ Սլավիցա Ջուկիչ Դեյանովիչը:
Նա հայտնել է, որ առավոտյան պաշտոնական ծանուցում է ստացել Սերբիայի նախագահ Բորիս Տադիչի կամավոր հրաժարականի մասին, որը թույլ է տվել նախագահական ընտրությունների ժամկետ նշանակել, հայտնում է ԻՏԱՌ-ՏԱՍՍ-ը:
Տադիչն իր պաշտոնը կլքի ուրբաթ` ապրիլի 6-ին: Հրաժարականը միաժամանակ համարվում է նաեւ մարտավարական քայլ` ավելի շատ ձայներ ստանալու եւ բյուջետային միջոցներ տնտեսելու նպատակով:
Նախօրեին, հայտարարելով հրաժարականի մասին` Տադիչը հայտնել էր, որ կմասնակցի նախագահական արտահերթ ընտրություններին:
