նախընտրելի դարձնելՏղամարդը, որը պատսպարվել էր Մերձմոսկվայի այրվող տանը եւ կրակել հրշեջների վրա, ինքնասպան է եղել:
Ինչպես ավելի վաղ հայտնել էր NEWS.am-ը, մեկհարկանի առանձնատանը հրդեհի բռնկման մասին ազդանշանի ստացվելուց հետո արտակարգ պատահարի վայր են ժամանել հրշեջները: Երբ նրանք փորձել են մարել կրակը, տան ներսում պատսպարված տղամարդն սկսել է կրակել:
Ինչպես իրավապահ մարմիններին հղում անելով հայտնում է ՌԻԱ Նովոստին, հրաձգության ընթացքում փրկարարներից եւ ոստիկաններից ոչ ոք չի տուժել: Հաղորդվում է նաեւ, որ ոստիկանությունը բանակցություններ է վարել տղամարդու հետ, սակայն դրանք հաջողությամբ չեն պսակվել:
Տան հրդեհը մարվել է, մարման աշխատանքներին մասնակցել է 59 մարդ: Ըստ նախնական տվյալների` տղամարդն անձամբ է հրդեհել տունը` գտնվելով ոչ սթափ վիճակում:
