նախընտրելի դարձնելՄոսկվայում հանձնել են ռուսական կինեմատոգրաֆիական արվեստների ակադեմիայի ազգային «Նիկա» մրցանակը: Արարողության գլխավոր մրցանակը` լավագույն ֆիլմի համար, ստացել է Անդրեյ Սմիրնովի «Կար-չկար մի կին» ֆիլմը:
Լավագույն ռեժիսոր է ճանաչվել Անդրեյ Զվյագինցեւը` «Ելենա» ֆիլմի համար: «Տղամարդու լավագույն դեր» մրցանակն ստացել է Սերգեյ Գարմաշը` «Տուն» ֆիլմի համար:
Լավագույն կանացի դերի համար արձանիկն ստացել են երկու դերասանուհիներ` Դարյա Եկամասովան «Կար-չկար մի կին» կինոնկարում դերակատարման համար, եւ Նադեժդա Մարկինան, որը խաղացել է «Ելենա» ֆիլմում, հաղորդում է rbc-ն:
ԽՍՀՄ-ի ժողովրդական արտիստ Օլեգ Բասիլաշվիլին «Նիկա» կինոմրցանակ է ստացել «Պատիվ եւ արժանապատվություն» անվանակարգում: Արարողության ընթացքում ցուցադրվել են այն կինոնկարներից հատվածներ, որոնցում դերսանը խաղացել է իր ամենահայտնի դերերը:
Լավագույն անիմացիոն ֆիլմ է ճանաչվել «Եւս մեկ անգամ» մուլտֆիլմը, որն ստեղծվել է Ելենա Պետրովայի, Մարիա Արխիպովայի, Տատյանա Օկրուժնովայի եւ այլ անիմատորների կողմից:
Նանա Ջանելիձեի «Իսկ կա՞ արդյոք այնտեղ թատրոն» կինոնկարը մրցանակ է ստացել «ԱՊՀ-ի եւ Բալթյան երկրների լավագույն ֆիլմ» անվանակարգում:
