նախընտրելի դարձնելՄալիի նախագահ Ամադու Թումանի Թուրեն պաշտոնապես հրաժարական է տվել` դրանով իրեն պետական հեղաշրջման հետեւանքով պաշտոնանկ արած զինվորականներին հնարավորություն ընձեռելով կատարել պայմանավորվածությունը եւ երկրում վերականգնել քաղաքացիական կառավարումը` իշխանությունը փոխանցելով խորհրդարանի նախագահ Դիոնքունդա Թրաորային:
Մալիի նոր իշխանությունների հետ բանակցություններում Արևմտյան Աֆրիկայի երկրների տնտեսական համայնքի (ԱԱԵՏՀ) արեւմտաաֆրիկյան թեւի գլխավոր միջնորդ, Բուրկինա-Ֆասո պետության արտգործնախարար Ջիբրիլ Բասոլը հաղորդել է, որ Թուրեից նամակ է ստացել, որտեղ վերջինս հաղորդել է իր հրաժարականի մասին:
ԱԱԵՏՀ -ի երկրները, քննարկելով Մալիի հյուսիսի ճգնաժամը, որտեղ շարունակվում է տուարեգների ապստամբությունը եւ որի պատճառով էլ տեղի էր ունեցել ռազմական հեղաշրջումը, տարակարծություններ են ունեցել այն հարցում, թե արդյոք անհրաժեշտ է ճնշել ապստամբությունն ուժով, թե սկսել բանակցություններ սեպարատիստների հետ, հաղորդում է INFOX.ru-ն:
Աշխարհի առաջատար երկրների առաջնորդները եւ միջազգային կազմակերպությունները ողջունել են Մալիի ռազմական ղեկավարության` իշխանությունից հրաժարվելու մասին որոշումն ընտրությունների նախօրեին, որոնք պետք է տեղի ունենան 40 օրվա ընթացքում:
