Մոսկովյան դատարանը հեռակա կարգով կալանավորման թույլտվություն է տվել  Վլադիմիր Պուտինի նկատմամբ մահափորձի պատրաստման կասկածյալներին, հաղորդում է «Վեդոմոստին»: Կասկածյալները Ղազախստանի քաղաքացի Իլյա Պյանզինը եւ Գրոզնիից Ադամ Օսմաեւն են:

Դատարանը որոշել է նրանց համար հեռակա կարգով որպես խափանման միջոց ընտրել կալանքը` երկու ամիս ժամկետով: Ժամկետը կհաշվարկվի` կասկածյալների ռուսաստանյան իշխանություններին փոխանցելու պահից:

Հանցագործները կալանավորվել են Ուկրաինայի եւ Ռուսաստանի հատուկ ծառայությունների կողմից  փետրվարի սկզբին Օդեսայում: Նրանց ցուցմունքներից պարզ է դարձել, որ նախագահական ընտրություններից անմիջապես հետո մահափորձ են պատրաստել Պուտինի նկատմամբ:

Նրանց սպառնում է 20 տարվա ազատազրկում: