նախընտրելի դարձնելԻրանը մտադիր է մոտ օրերս կրճատել նավթի արտահանումը Եվրոպայի մի շարք երկրներ: Այդ մասին հաղորդել է նավթի նախարար Ռոստամ Քասեմին:
Անհայտ է, թե եվրոպական հատկապես որ երկրների մասին է խոսքը: Նախարարը նաեւ հայտարարել է, որ «Իրանն անհանգստացած չէ իրանական նավթի նկատմամբ ԵՄ-ի ընդունած պատժամիջոցներից», հաղորդում է «Վեդոմոստին»:
Իրանն արդեն հայտարարել էր Մեծ Բրիտանիա, Ֆրանսիա եւ Հունաստան նավթի մատակարարման դադարեցման մասին, ինչպես նաեւ սպառնացել էր կրճատել արտահանումը Պորտուգալիա, Իսպանիա, Իտալիա, Գերմանիա եւ Հոլանդիա:
ԵՄ-ի 27 երկրների արտգործնախարարները հունվարի վերջին հավանություն էին տվել Իրանից նավթի մատակարարման էմբարգոյին: Պատժամիջոցների նոր փաթեթը ենթադրում է, որ հուլիսի 1-ին Թեհրանից նավթ գնող Եվրամիության բոլոր անդամները պետք է ամբողջովին դադարեցնեն ներկրումն այդ երկրից:
Ամեն տարի Իրանն արտադրում է 3,5 միլիոն բարել նավթ, արտահանման ծավալը հասնում է տարում մինչեւ 2,5 միլիոն բարել:
