նախընտրելի դարձնելՌուսական «Փակ դպրոց» սերիալի տասարաններից մեկի նկարահանումները մոսկվացիները կաթվածահար են արել 7 անգամ: Սյուժեով սերիալի հերոսուհիներից մեկը` Ելենան (Կսենիա Էնտելիս) ողբերգականորեն լճում կորցնում է որդեգրած զավակին` Իգորին: Ինչպես NEWS.am-ին հայտնեցին ԱՄԵԴԻԱ կինոստուդիայի в PR-բաժանմունքում, նկարահանող խումբը տեսարանը վերանկարահանել է 12 անգամ: «Խնդիրները ծագել են դեռեւս փորձի ժամանակ: Սցենարով իմ հերոսուհին մեկ րոպեով շեղվում է եւ չի նկատում, թե մանկասայլակն ինչպես է գլորվում լիճը: Մենք սկսեցինք փորձ անել: սայլակը մոտեցավ լճին: Այստեղ ծառերի հետեւից դուրս պրծավ մի կին` բղավելով. «Ինչ եք դուք անում» եւ հասավ սայլակը կանգնեցնելու, իսկ մենք` նրան: Բարի կինը հանգստացավ միայն այն ժամանակ, երբ ցույց տվեցինք նկարահանման փաստաթղթերը»,- պատմել է դերասանուհի Կսենիա Էնտելիսը:
Անցորդները, չհասկանալով, որ նկարահանում է ընթանում, սկսել են ձյան վրայից բարձրացնել սյուժեով հիստերիայի մեջ գտնվող դերասանուհուն, մի տղամարդ շանն ուղարկել է մանկասայլակը ջրից հանելու, մեկ ուրիշն էլ հավաքել է ԱԻՆ-ի հեռախոսահամարը:
Դպրոցականների խումբը սկսել է հանգստացնել «վշտակորույս մորը»: Եւ միայն 12-րդ դուբլից է հաջողվել նկարահանել տեսարանը:
Օրվա արդյունքները.
- Մանկասայլակը սուզել են 12 անգամ,
- Անցորդները կադրում հայտնվել են 7 անգամ,
- Շները ջուրն են նետվել 1 անգամ,
- ԱԻՆ ծառայություն են փորձել կանչել 1 անգամ, ոստիկանություն` 4, շտապօգնություն` 2 անգամ:
