նախընտրելի դարձնելԱյսօրվա դրությամբ եղած նախադրյալները բավարար չեն 2012թ. ԼՂՀ նախագահական ընտրություններում իմ առաջադրման համար: Այս մասին NEWS.am-ի թղթակցին ասաց ԼՂՀ անվտանգության եւ արտաքին քաղաքականության հանրային խորհրդի նախագահ Մասիս Մայիլյանը` պատասխանելով նախագահական ընտրություննրին իր մասնակցության մասին հարցին:
«Նման լուրջ որոշում կայացնելու համար անհրաժեշտ է մի քանի գործոնների առկայություն։ Նախ՝ հստակ արտահայտված հանրային պահանջարկ եւ այլ ներքաղաքական պայմաններ, երկրորդ՝ բարենպաստ արտաքին պայմաններ։ Այսօրվա դրությամբ առկա նախադրյալներն առայժմ անբավարար են»,-ասաց Մայիլյանը:
Նշենք, որ ԼՂՀ նախագահի պաշտոնում ընտրվելու համար թեկնածուները կարող են առաջադրվել ապրիլի 20 -ից մինչեւ մայիսի 5-ը: Թեկնածուների գրանցումը տեղի կունենա մայիսի 30-ից հունիսի 19-ը:
Հիշեցնենք, որ նախորդ նախագահական ընտրություններում Մասիս Մայիլյանը զբաղեցրել էր երկրորդ տեղը` ստանալով ընտրողների ձայների 12, 5%-ը:
