նախընտրելի դարձնելԱպրիլի 13-ին, ժամը 18.15-ի սահմաններում, Սեւան-Իջեւան ճանապարհին իրար են բախվել «ՈՒԱԶ» եւ «Օպել» մակնիշի ավտոմեքենաներ, ինչի հետեւանքով «Օպել»-ի ուղեւորուհին մարմնական վնասվածքներով տեղափոխվել է հիվանդանոց:
Ոստիկանության լրատվության վարչությունից հայտնում են, որ նույն օրը, ժամը 21-ի սահմաններում, «Մերսեդես-124» մակնիշի ավտոմեքենան Արարատի մարզի Այգավան գյուղի մոտ բախվել է «Միցուբիշի Պաջեռո-իո» մակնիշի ավտոմեքենայի, այնուհետեւ՝ վրաերթի ենթարկել ճամփեզրին կանգնած մի տղամարդու:
Վարորդը տուժողին տեղափոխել է հիվանդանոց:
Նույն ժամին, «Լեքսուս» մակնիշի ավտոմեքենայի վարորդը Երասխ-Երեւան ճանապարհի 41-րդ կմ-ին վրաերթի է ենթարկել 17-ամյա մի երիտասարդի եւ իր ավտոմեքենայով նրան տեղափոխել հիվանդանոց:
Բոլոր դեպքերում էլ կատարվում է քննություն:
