նախընտրելի դարձնել«Ամերիկաների գագաթաժողովը» կոլումբիական Կարթագենում նորից ավարտվել է առանց վերջնական հռչակագրի ստորագրման: Երկու ամերիկյան մայրցամաքների երկրներն արդեն երրորդ անգամն է չեն կարողանում վերջնական համաձայնության գալ: Այս անգամ պատճառ են դարձել Կուբայի եւ Արգենտինայի վերաբերյալ մասնակիցների տարակարծությունները:
Եթե Լատինական Ամերիկայի երկրները գրեթե միաձայն աջակցել են համաժողովի փաստաթղթում Կուբայի մասնակցության մասին դրույթներին եւ Ֆոլքլենդյան կղզիների համար վեճում Արգենտինային աջակցություն ցուցաբերելուն, ապա ԱՄՆ-ը եւ Կանադան հակառակ դիրքորոշում են բռնել` արգելափակելով մասնակիցների ճնշող մեծամասնության մտադրությունները: Ի նշան բողոքի` Բոլիվարյան դաշինքի երկրները հայտարարել են, որ չեն մասնակցի Ամերիկաների հաջորդ գագաթաժողովներին, եթե չհրավիրվի կուբայական պատվիրակությունը, իսկ Արգենտինայի նախագահը լքել է արարողությունը` չսպասելով նրա ավարտին, հաղորդում է «Էխո Մոսկվին»:
Գագաթաժողովին ավելի աղմկահարույց երանգ է հաղորդել լայն արձագանք ստացած ամերիկյան Գաղտնի ծառայության աշխատակիցների հետ կապված միջադեպը, որոնք ազատվել էին իրենց պարտականությունների կատարումից եւ ուղարկվել ԱՄՆ այն բանից հետո, երբ իրենց հյուրանոց էին բերել կոլումբիական մարմնավաճառների:
