նախընտրելի դարձնելՀնդկաստանի Փենջաբ նահանգում, ապրիլի 15-ի երեկոյան պայթյուն է որոտացել տեքստիլ ֆաբրիկայում:
Ինչպես հաղորդում է Punjabnewsline.com պորտալը, պայթյունից ֆաբրիկայի շենքը փլվել է, որի հետեւանքով մեկ մարդ մահացել է, 40-ը` վիրավորվել, եւս 120 աշխատակիցներ գտնվում են փլատակների տակ:
Աշխատանքային օրերին ֆաբրիկայում գտնվողների թիվն անցնում է 400-ից, սակայն կիրակի երեկոյան ֆաբրիկայում աշխատանքի է դուրս եկել 200 մարդ:
Ականատեսների վկայությամբ պայթյունը որոտացել է ֆաբրիկայի էլեկտրական ենթակայանում, որին հաջորդել է շենքի փլուզումը:
Դեպքի վայր են ժամանել մի քանի հրշեջ հաշվարկներ, որոնք փլատակների տակից դուրս են բերել ավելի քան 40 տուժածների, նրանցից 15-ի վիճակը ծայրահեղ ծանր է:
Զոհերի թիվը կարող է աճել, քանի որ փլատակների տակ դեռ բազմաթիվ մարդիկ կան:
