նախընտրելի դարձնելԲաց երկնքի մասին պայմանագրով նախատեսված պարտականությունները կատարելուց Վրաստանի հրաժարվելը խախտում է Ռուսաստանի իրավունքները եւ սպառնում է համաձայնագրի լուծմամբ, ասվում է Ռուսաստանի արտգործնախարարության հայտարարության մեջ:
Հաղորդագրությունում նշվում է, որ վրացական կողմի ընդունած որոշումը իրենց օդային տարածքով ՌԴ մասնակցությամբ դիտորդական թռիչքները չթույլատրելու վերաբերյալ, Բաց երկնքի մասին պայմանագրի կոպիտ խախտում է:
«Պայմանագիրը չի նախատեսում մասնակից որեւէ երկրի իրավունքների կամայական սահմանափակում: Վրացական կողմի գործողությունները վտանգավոր նախադեպ են ստեղծում, որը կարող է հանգեցնել պայմանագրրի լուծմանը»,- նշել է Ռուսաստանի ԱԳ նախարարը
Բաց երկնքի պայմանագիրն ընդունվել է 1992 թվականի մարտի 24-ին` Հելսինկիում, ԵԱՀԿ-ի 27 մասնակից երկրների կողմից:
Ներկայումս նրա մասնակիցներն են 34 պետություն` ներառյալ Ռուսաստանը (սկսած 2001 թվականից):
Ինչպես ավելի վաղ հայտնել էր NEWS.am-ը, Վրաստանը հրաժարվել էր Ռուսաստանի նկատմամբ «Բաց երկնքի» համաձայնագրի իր պարտականություներից` Մոսկվային մեղադրելով պայմանագրի պայմանները չկատարելու մեջ:
Վրաստանի ԱԳՆ-ի հայտարարության մեջ նշվում էր, որ Ռուսաստանն արդեն երկրորդ տարին է փորձում է, օգտագործելով տվյալ համաձայնագիրը, «օրինականացնել» Աբխազիայի եւ Հարավային Օսիայի անկախությունը: Ռուսաստանն արգելել է համաձայնագրի մասնակից երկրների ինքնաթիռներին դիտորդական թռիչքներով 10 կմ-ից ավելի մոտենալ Աբխազիային եւ Հարավային Օսիային` հայտարարելով, որ դրանք անկախ պետություններ են, որոնք չեն մտնում տարածաշրջանում ազատ թռիչքներ ապահովող «Բաց երկինք» համաձայնագրի մեջ:
