նախընտրելի դարձնելՀայկական գինին Ռուսաստանում գնում են էկզոտիկայի համար: Նման դիտարկում է արել ռուսական «Յագուար 17» տարածող ընկերության ներկայացուցիչ Սերգեյ Նիկիտինը` Երեւանում ապրիլի 16-ին ելույթ ունենալով հայկական գինեգործության հարցերով սեմինարին:
2011 թվականին Հայաստանից արտահանվել է շուրջ 1 միլիոն լիտր գինի, կամ շուկայի շուրջ 0,3%-ը: Հայկական գինու միջին գինը մեկ շշի համար 270 ռուբլի է, միջին գնային հատվածում վերին տեղը, որտեղ այն մրցակցում է ֆրանսիական եւ իտալական գինիների հետ. ադրբեջանական եւ մոլդովական գինիներն էապես էժան են: Նման իրադրությունը «տարօրինակ է», կարծում է Ս. Նիկիտինը, քանի որ դա ոչինչ չի տալիս հայկական ընկերություններին. սպառողներն այդ նույն գնով նախընտրում են գնել ֆրանսիական գինի:
Հայաստանից գինին արտահանում են կոնյակ արտադրողները, եւ հենց դա է, ըստ Նիկիտինի, խանգարում գինու արդյունաբերությանը: Հայկական գինուն անհրաժեշտ է իր բրենդը եւ պետության ուշադրությունը: Այսպես, Ռուսաստանում պետությունը վարկերի տոկոսային դրույքներ է սուբսիդացնումգինեգործական ընկերությունների համար:
«Այս ոլորտում մեկ աշխատատեղը ստեղծում է 28-ը հարակից բնագավառներում»,- նշել է Ս. Նիկիտինը:
