նախընտրելի դարձնելՄոսկվայում արդեն 18-րդ անգամ հանձնվում է ռուսական ազգային թատերական «Ոսկե դիմակ» մրցանակը:
Մրցանակաբաշխության արարողությունը տեղի է ունեցել Մեծ թատրոնի պատմական բեմում, հաղորդում է «Ռոսբալտը»:
«Թատերական արվեստում զգալի ավանդի համար» անվանակարգում մրցանակակիր է դարձել Ռուսաստանի ժողովրդական արտիստ Միխայիլ Պախոմենկոն: «Թատերական արվեստում զգալի ավանդի համար» երկրորդ մրցանակն ստացել է Էդուրադ Կոչերգինը:
Արվեստում ներդրած ավանդի համար «Ոսկե դիմակ» է ստացել Պյոտր Ֆոմենկոն: «Ոսկե դիմակ» մրցանակի դափնեկիր գլխավոր «Մեծ ձեւաչափի ներկայացում» դրամատիկական անվանակարգում դարձել է «Երջանկություն» ներկայացումը, որը բեմադրվել էր Ալեքսանդրյան թատրոնում Անդրեյ Մոգուչի կողմից:
Այս տարի լավագույն ռեժիսոր մեծ ձեւաչափով ժյուրին ճանաչել է Յուրի Բուտուսովին («Չայկա», «Սատիրիկոն» թատրոն, Մոսկվա): Թատրոնում լավագույն տղամարդու դերակատարման մրցանակ է ստացել Եվգենի Միրոնովը («Կալիգուլա», Ազգերի թատրոն, Մոսկվա): Լավագույն կանացի դերակատարման մրցանակակիր է դարձել Սվետլանա Զամարաեւան («Առանց մեղքի մեղավորները», Երիտասարդական թատրոն, Եկատերինբուրգ):
Փոքր ծավալի լավագույն ներկայացում է դարձել Կիրիլ Սերեբրեննիկովի «Հանցագործները» ներկայացումը` Զախար Պրիլիպենի ստեղծագործության մոտիվներով: Բեռլինում պրեմիերան կայացած ներկայացումը խաղացել են Մոսկվայում` «Վինզավոդում»:
Դափնեկիրների ամբողջական ցուցակը մրցանակի կայքում է:
