Զամբիական Լիվինգսթոն քաղաքում հարձակում է կատարվել տներից մեկի  վրա, որտեղ մի քանի արտասահմանցի են ապրել:

Երեք հանցագործներ կրակել են իսպանացի օդաչու Սերխիո Վալեին, որն աշխատում էր Batoka Sky ընկերությունում, եւ տեղական թիկնապահին: Ֆրանսուհի Մարի Նոել Քարեն տեղափոխվել է երկրի մայրաքաղաք Լուսակիի հիվանդանոց ծանր հրազենային վնասվածքներով: Բժիշկները փորձում են փրկել նրա կյանքը, հաղորդում է  «Կոմսոմոլսկայա պրավդան»:

Մարդասպաններին հաջողվել է փախչել հանցագործության վայրից: Արտասահմանցիների վրա հարձակման դրդապատճառները  դեռ հայտնի չեն: