նախընտրելի դարձնելՍուդանի նախագահ Օմար Բաշիրը Հարավային Սուդանին պատերազմ է հայտարարել` խոստանալով Ջուբայում իշխանություններին սատկացնել միջատների նման:
Ինչպես հաղորդում է «Սինհուան», հայտարարությունն արվել է երկու երկրների միջեւ սահմանին ռազմական լարվածության խորացման պայմաններում:
Իր կուսակցության անդամների հետ հանդիպման ընթացքում Սուդանի նախագահը հայտարարել է. «Այսօրվանից մեր կարգախոսն է Սուդանի քաղաքացիների ազատագրումը «Սուդանի ժողովրդական ազատագրական շարժման» տիրապետությունից, այսօրվանից մեր կարգախոսն է ակն ընդ ական, ատամն ընդ ատաման»:
Բաշիրը հայտարարել է, որ իրենք բարոյական սխալ են թույլ տվել` «Սուդանի ժողովրդական ազատագրական շարժմանը» թույլ տալով իշխել հարավում, բայց այդ սխալը կուղղվի:
Ինչպես հաղորդում է «Ազատություն» ռադիոն, Սուդանի նախագահը նաեւ սպառնացել է Ջուբայի կառավարիչներին սատկացնել միջատների նման:
Հարավային Սուդանը անկախություն է ձեռք բերել նախորդ տարվա հուլիսի հանրաքվեի արդյունքում` Խարթումի իշխանությունների հետ բազմամյա զինված հակամարտությունից հետո:
