նախընտրելի դարձնելՄոսկվայում տեղի է ունեցել գործարարի եւս մեկ սպանություն. հրաձգության է ենթարկվել «Կոնսուլտանտ ստրախովանիե» ապահովագրական ընկերության գլխավոր տնօրեն Շամիլ Խան Բեսաեւը:
Նա սպանվել է ապրիլի 20-ի գիշերը` Մոսկվայում, սեփական տան մոտ: Բեսաեւի մարմինը երեք հրազենային վնասվածքներով հայտնաբերվել էր մոսկովյան ժամանակով ժամը մոտավորապես 01:00-ին, հայտնում է gazeta.ru-ն:
Ըստ հետաքննության վարկածի` սպանությունը պատվիրված բնույթ է կրում, քանի որ գործարարի մոտ հայտնաբերվել էին արժեքավոր իրեր` թանկարժեք ժամացույց եւ դրամապանակ:
Հիշեցնենք, որ ապրիլի 19-ի ցերեկը Մոսկվայում հրաձգության էր ենթարկվել եւս մեկ ձեռնարկատեր` Իլգար Ալիեւը:
