նախընտրելի դարձնելՀայաստանի ՊՆ վարչական համալիրում, այսօր` ապրիլի 20-ին, տեղի է ունեցել սեպտեմբերին ՀՀ տարածքում անցկացվելիք ՀԱՊԿ Արագ արձագանքման հավաքական ուժերի «Փոխգործակցություն-2012» համատեղ զորավարժության նախապատրաստման միջգերատեսչական աշխատանքային խմբի և ղեկավար կազմի խորհրդակցություն, որին մասնակցել են ՀՀ ազգային անվտանգության ծառայության, ՀՀ ոստիկանության, ՀՀ արտակարգ իրավիճակների նախարարության և շահագրգիռ այլ գերատեսչությունների ներկայացուցիչներ:
Խորհրդակցության ընթացքում քննարկվել են «Փոխգործակցություն-2012» համատեղ զորավարժության անցկացման կազմակերպչական, ՀՀ շահագրգիռ գերատեսչությունների ստորաբաժանումների փոխգործակցության համադրման, ՀԱՊԿ անդամ պետությունների մասնակցության համար տարանցման խնդիրների լուծման, ՀՀ ժամանող ստորաբաժանումների տեղակայման, ինչպես նաև արարողակարգային հարցեր:
ՀՀ պաշտպանության նախարարի կողմից աշխատանքային խմբին տրվել են հստակ հանձնարարականներ` զորավարժության նախապատրաստաման ու անցկացման հետ կապված առաջադրանքները ժամանակին ու որակով կատարելու համար:
