նախընտրելի դարձնելMicrosoft ընկերությունը Facebook սոցցանցին կվերավաճառի AOL ինտերնետ-հոլդինգից ձեռք բերած պատենտների մեծ մասը: Համաձայն ընկերությունների համատեղ հայտարարությանը` Microsoft -ը Facebook-ին կտա 920 պատենտներից 650-ը: Մնացած մասից սոցցանցը կարող է օգտվել լիցենզիայով:
Թե պատենտներում ինչ տեխնոլոգիաների մասին է խոսքը, ընկերությունում չեն հստակեցնում: Գործարքի արժեքը կկազմի կանխիկ 550 միլիոն դոլար:
Microsoft-ը ժամանակին AOL-ի բոլոր պատենտները ձեռք բերելու համար ավելի քան 1 միլիարդ դոլար էր ծախսել: Համաձայնագրի պայմաններով` Microsoft-ը կպահպանի իրավունքները Facebook-ին փոխանցած պատենտների նկատմամբ, հաղորդում է vesti.ru-ն:
Microsoft-ի տեխնոլոգիաները կարող են օգնել Facebook-ին Yahoo-ի դեմ «պատենտային պատերազմում»: Ինչպես ավելի վաղ հայտնել էր NEWS.am-ը, մարտին Yahoo! Inc.-ը Սան Խոսե քաղաքի դատարանում հայց էր ներկայացրել, որում մեղադրել էր Facebook Inc.-ին Yahoo!-ին պատկանող 10 պատենտների օգտագոման մեջ: Հայցում Yahoo!-ն նշում է իր 10 պատենտները, որոնք վերաբերում են առցանց գովազդներին, հաղորդագրությունների փոխանցմանը, գաղտնիության ապահովմանը եւ այլն, որոնք անհրաժեշտ են հաջող համացանցային կայքի ստեղծման համար: Ընկերությունը պահանջում է արգելել տեխնոլոգիաների օգտագործումը եւ վնասը փոխհատուցել եռակի չափով: Սոցցանցը հանդես է եկել պատասխան հայցով:
