նախընտրելի դարձնել
Ուկրաինայի նախագահ Վլադիմիր Զելենսկին հայտնել է Սլովակիայի վարչապետ Ռոբերտ Ֆիցոյի հետ ունեցած հեռախոսազրույցի մասին։
Ըստ Զելենսկու, Սլովակիան հայտարարել է, որ աջակցում է Ուկրաինայի անդամակցությանը Եվրամիությանը։
«Մեզ անհրաժեշտ են ամուր հարաբերություններ մեր երկրների միջև, և մենք երկուսս էլ հետաքրքրված ենք դրանով։ Կարևոր էր լսել, որ Սլովակիան աջակցում է Ուկրաինայի անդամակցությանը Եվրոպական միությանը և պատրաստ է կիսվել անդամակցության իր փորձով։ Ես վարչապետին հրավիրել եմ այցելել Կիև և շնորհակալություն հայտնել նրան Բրատիսլավա այցելելու հրավերի համար։ Մենք նաև քննարկել ենք մոտ ապագայում անձնական հանդիպման հնարավորությունը։ Մեր թիմերը կաշխատեն դրա պլանավորման վրա»,- գրել է Զելենսկին X սոցիալական ցանցում։
I have just spoken with Slovakia’s Prime Minister @RobertFicoSVK. We need strong relations between our countries, and both of us are interested in this. It was important to hear that Slovakia supports Ukraine’s membership in the European Union and is ready to share its experience… pic.twitter.com/LMXkXvgxUy
— Volodymyr Zelenskyy / Володимир Зеленський (@ZelenskyyUa) May 2, 2026
Ապրիլի վերջին Սլովակիայի ԱԳ նախարար Յուրայ Բլանարը հայտարարել էր, որ իր երկիրն այլևս չի արգելափակի Եվրամիության՝ Ռուսաստանի դեմ 20-րդ պատժամիջոցների փաթեթի ընդունումը՝ «Дружба» նավթամուղով նավթի կայուն մատակարարումների պայմանով։
Ավելի վաղ հաղորդվել էր, որ ԵՄ երկրների դեսպանները հավանություն են տվել Ռուսաստանի դեմ 20-րդ պատժամիջոցների փաթեթին, ինչպես նաև Ուկրաինայի համար €90 մլրդ ֆինանսավորմանը։ Ակնկալվում է, որ որոշումների վերջնական հաստատումը կկայանա ԵՄ արտաքին գործերի նախարարների մակարդակով՝ գրավոր ընթացակարգով։
