նախընտրելի դարձնել
Եմենի առափնյա պահպանությունը շաբաթ օրը հայտարարել է, որ EUREKA նավթային տանկերը բռնագրավվել է Շաբվա նահանգի ափերի մոտ անհայտ զինված անձանց կողմից, հայտնում է Reuters-ը։
Նշվում է, որ անհայտ անձինք բարձրացել են նավի վրա, զավթել կառավարումը և այն ուղղել դեպի Ադենի ծոց՝ սոմալիական ջրերի ուղղությամբ։
Առափնյա պահպանությունը հավելել է, որ տանկերի գտնվելու վայրը պարզվել է, և ներկայումս ջանքեր են գործադրվում այն հետևելու և վերադարձնելու համար անհրաժեշտ միջոցներ ձեռնարկելու և դրա անձնակազմի անվտանգությունն ապահովելու ուղղությամբ։
