նախընտրելի դարձնել
Ավելի դժվար կլինի ապահովել Հայաստանի տնտեսության հետագա աճը, և մենք պետք է գտնենք լրացուցիչ ռեսուրսներ։ Այս մասին մայիսի 6-ին «Երևանյան երկխոսություն — 2026» միջազգային համաժողովի ընթացքում հայտարարեց Հայաստանի նախագահ Վահագն Խաչատուրյանը։
Նրա խոսքով՝ Հայաստանի տնտեսության զարգացման տեմպերը 2018 թվականից կապված են կոռուպցիայի դեմ պայքարի հետ։ «Այլ պատճառներ մի փնտրեք։ Այն հաջողությունը, որին մենք հասել ենք և շարունակում ենք հասնել, հնարավոր է դարձել հենց դրա շնորհիվ։ Պետությունն անում է ամեն ինչ, որպեսզի տնտեսությունն ու ներդրումներն ավելի գրավիչ դարձնի։ Այժմ մեր առաջ կանգնած է այլ խնդիր։ Հայաստանի տնտեսության հետագա աճի ապահովումը ավելի դժվար կլինի, և մենք պետք է գտնենք լրացուցիչ ռեսուրսներ։ Մեր ռեսուրսը Հարավային Կովկասն է, միավորված Հարավային Կովկասը։ Եթե որևէ մեկը կարծում է, որ Հայաստանի տնտեսությունը առանց Հարավային Կովկասում տարածաշրջանային համագործակցության կշարունակի կամ կկարողանա շարունակել այսքան արագ աճել, մոռացեք դրա մասին»։
Անհրաժեշտ է կարգավորել հարաբերությունները տարածաշրջանում։ Այն, ինչ տեղի ունեցավ Մերձավոր Արևելքում բոլորովին վերջերս, ոչ ոք չէր կարող կանխատեսել։ Նույնիսկ եթե կանխատեսել էին, ոչ ոք չէր կարող գնահատել դրա մասշտաբները։ Դա վերածվեց աշխարհաքաղաքական փոթորկի, որը ոչ ոք չէր կարող կանխատեսել», - ավելացրեց Խաչատուրյանը։
Նրա գնահատմամբ՝ Հայաստանի բանկային համակարգը 1990-ականներից ի վեր եզակի և կայուն է։
«Միևնույն ժամանակ ես չեմ ասում, թե բանկային համակարգը իդեալական է, բոլորովին ոչ։ Մենք պետք է ապահովենք բանկային համակարգի մրցունակությունը և որակյալ գործիքների կիրառմամբ որակյալ մրցակցություն։ Ամենամեծ խնդիրը դեռևս չհասունացած կապիտալի շուկաներն են։ Սակայն իրավիճակի փոփոխությունը, խաղաղության հաստատումը, տարածաշրջանային համագործակցությունը և համատեղ նախագծերի իրականացումը նաև կնշանակեն ֆինանսական ծառայությունների գների նվազում», - նշեց Խաչատուրյանը։
Նրա գնահատմամբ՝ տարածաշրջանում տրանսպորտային ծախսերը 25–30%-ով ավելի բարձր են՝ համեմատած միջազգային շուկաների հետ, սակայն ապագայում դա կփոխվի։
