Շվեյցարական Ֆրիբուրգ քաղաքի մոտակայքում ապրիլի 28-ի երեկոյան աղետի է ենթարկվել զբոսաշրջային ոչ մեծ  օդանավը, որում գտնվող բոլոր 6 ուղեւորներն էլ զոհվել են:

Ինչպես հաղորդում է Fox News-ը, Լոզանից թռչող ինքնաթիռը պետք է վայրէջք կատարեր Ֆրիբուրգի օդանավակայանում, սակայն մինչ վայրէջքը, շեղվել է կուրսից եւ աղետի ենթարկվել:

Ըստ ականտեսների` օդանավը  որոշ ժամանակ պտտվել է գյուղի վրա, որից հետո ընկել է ֆերմերական տնտեսություններից մեկի մոտակայքում: Հանգամանքները պարզվում են: