նախընտրելի դարձնելԱշխատանքի միջազգային օրը, աշխատավորների օրը կամ Մայիսի մեկը տոն է, որը երկար ժամանակ եղել է հեղափոխության եւ դասային անհաշտ պայքարի խորհրդանիշ, այսօր նշում են աշխարհի 142 երկրներում: Այսօր իր օգտվողներին տոնական տարբերանշանով է շնորհավորում Google.ru-ն:
1886 թվականի մայիսի 1-ին ամերիկյան բանվորները գործադուլ են կազմակերպել` պահանջելով 8-ժամյա աշխատանքային օր: Գործադուլները եւ ուղեկցվող ցույցերն ավարտվել են ոստիկանության հետ արյունահեղ բախումներով:
1889 թվականի հուլիսին II Ինտերնացիոնալի Փարիզյան կոնգրեսը ի հիշատակ Չիկագոյի բանվորների ելույթների որոշում էր ընդունել մայիսի 1-ին ամենամյա երթերի մասին: Առաջին անգամ աշխատավորների համերաշխության միջազգային օրը նշվել է 1890 թվականին` Ավստրո-Հունգարիայում, Բելգիայում, Գերմանիայում, Դանիայում, Իսպանիայում, Իտալիայում, ԱՄՆ-ում, Նորվեգիայում, Ֆրանսիայում, Շվեդիայում եւ մի քանի այլ երկրներում, հայտնում է Calend-ը:
Այսօր այդ տոնը նշվում է 142 երկրներում մայիսի 1-ին կամ մայիսի առաջին երկուշաբթի օրը: Որոշ երկրներում Աշխատանքի օրն այլ ժամանակ է նշվում, օրինակ` ԱՄՆ-ում եւ Ճապոնիայում:
