Նախընտրելի«Միասնության թևեր» կուսակցությունը քարոզարշավ է անցկացնում Գյումրիում: Կուսակցության ներկայացուցիչները կոչ են անում կանգնեցնել պետականության հետագա անկումը, մերժել սուտն ու կեղծիքը:
Քաղաքական ուժի առաջնորդ, վարչապետի թեկնածու, նախկին օմբուդսմեն Արման Թաթոյանը հիշեցնում է երկրի հետագա ճակատագրի համար առաջիկա ընտրությունների կարևորության մասին. «Որոշվում է, թե ովքեր են Հայաստանում որոշումներ կայացնելու»: Թաթոյանը խոստացել է պաշտպանել եկեղեցին ոտնձգություններից և դառնալ Հայաստանի իրավունքների պաշտպանը:
Նա կոչ է արել գնալ ընտրությունների հանուն երկրի, հավատի ու ապագայի և չտրվել վախեցնելու փորձերին:
