նախընտրելի դարձնելՆիկոլ Փաշինյանի օրոք որոշ ոլորտներ, անկասկած, հասել են «աննախադեպ բարձունքների»՝ թմրամոլություն, ազարտային խաղեր, հանցավորություն։ Այս մասին հայտնել է պատգամավոր Իշխան Սաղաթելյանը Սպիտակի բնակիչների հետ «Հայաստան» դաշինքի ներկայացուցիչների հանդիպման ժամանակ։
Պատգամավորը հիշեցրել է, որ Փաշինյանը չի թաքցնում, որ ձգտում է մանդատ ստանալ, որպեսզի հանձնի նոր տարածքներ, շարունակի հարձակումները եկեղեցու դեմ, փոխի Սահմանադրությունը, մոռացության մատնի ցեղասպանությունը, բանտարկի մի քանի հայտնի անձանց։
«Որտե՞ղ են այստեղ ժողովրդի շահերը։ Նա Ալիևի ծառան է, նրա ստրուկը, հակահայ գործիչ, որին պետք է հեռացնել իշխանությունից»,– հայտարարել է Սաղաթելյանը։
Նա թվարկել է այն ոլորտները, որտեղ Փաշինյանի օրոք արձանագրվել է անհավանական աճ․ թմրամոլությունը, պաշտոնական տվյալներով, աճել է 15 տոկոսով, սակայն իրականում՝ շատ ավելի։ Պատգամավորի խոսքով, եթե թմրանյութ վաճառողներն ու մատակարարողները պետական աջակցություն չունենային, այս «բիզնեսը» չէր կարող ծաղկել։ Կազինոներ․ այսօր խաղադրույքների ծավալը 20 մլրդ դոլար է, Փաշինյանի օրոք ծավալները 20 անգամ աճել են՝ դառնալով երկրի բյուջեից ավելի։ «Հայաստան» դաշինքը հայտարարում է, որ անհրաժեշտ է սահմանափակել առցանց կազինոները, ընդգծել է Սաղաթելյանը։ Հանցավորությունն աճել է 80 տոկոսով, սպանությունները՝ 66 տոկոսով։ «Որովհետև իրավապահները զբաղված են քաղաքական ընդդիմախոսների դեմ գաղտնալսումներով և գործեր սարքելով։ Ծանր հանցագործությունների մեջ մեղադրվողները ազատության մեջ են, իսկ նրանք, ովքեր համարձակվել են կարծիք հայտնել, կալանքի տակ են։ Պետական պարտքն ավելացել է 7,5 մլրդ դոլարով։ Ասում է՝ զենք է գնել։ Զենքի վրա գնացել է միայն փոքր մասը։ Կերել են, ու պետք է վերադարձնեն ժողովրդին։ Կհասնենք այդ միջոցների վերադարձին»,– խոստացել է Սաղաթելյանը։
