նախընտրելի դարձնելՊակիստանում ահաբեկչության զոհ է դարձել 16 մարդ, 40-ը վիրավորվել են: Հիշեցնենք, որ ավելի վաղ հաղորդվել էր 11 զոհի մասին:
Մահապարտը պայթեցրել էր իրեն` մոտենալով Թեքսիլ Հար քաղաքի տեղական շուկայի մոտ գտնվող ոստիկանական կետին: Նրա գլխավոր թիրախն են եղել իրավապահ մարմինների ներկայացուցիչները: Զոհվածների մեջ կան 5 ոստիկաններ, հայտնում է «ՌԻԱ Նովոստին»:
Դեռեւս ահաբեկչական խմբավորումներից ոչ մեկը չի ստանձնել ահաբեկչության պատասխանատվությունը:
Քաղաքը գտնվում է Աֆղանստանին սահմանամերձ Բաջաուր ցեղային շրջանում, որտեղ չեն գործում դաշնային օրենքները, եւ չի տարածվում ոստիկանության ազդեցությունը:
Ցեղախմբային գոտին ապաստան է դարձել իսլամիստ-գրոհայինների խմբավորումների համար, որոնք հանդես են գալիս հարեւան Աֆղանստանի վարչակարգի եւ պակիստանյան իշխանությունների դեմ:
