«Բուրանովյան տատիկներ» խմբի մասնակիցներից մեկը մոլորվել է Մոսկվայում` փողոցում զննելով աֆրոամերիկացուն: Այդ մասին պատմել է խմբի գեղարվեստական տնօրեն Օլգա Տուկտարյովան:

Նրա խոսքով` Ուդմուրտիայի բնակիչ Գալինա Կոնեւան առաջին անգամ սեւամորթ է տեսել: Տատիկն այնքան հմայված է եղել մայրաքաղաքի հյուրով, որ հետ է ընկել խմբից եւ մոլորվել: Նրան հաջողվել է գտնել միայն մի քանի ժամ անց, գրում է Մոսկովսկի կոմսոմոլեցը»:

Բացի այդ, տատիկներին ապշեցրել է ընկերությունների եւ կազմակերպությունների city նախդիրով  անվանումների թիվը. Պարզվել է, որ ուդմուրտերենում «սիթի» բառը նշանակում է կեղտ (го...но):  «Ինչ է, Մոսկվայում  «սիթիից» բացի ուրիշ բան չկա՞» -վրդովվել են երգչուհիները:

Հիշեցնենք, «Բուրանովյան տատիկները» Ռուսաստանը կներկայացնեն Բաքվում կայանալիք «Եվրատեսիլ-2012» երգի մրցույթում: