նախընտրելի դարձնելԱնհայտ անձը նռնակ է նետել ֆիլիպինյան Միոնդանաո կղզու Իլիգան քաղաքի հայտնի սրճարանից ոչ հեռու: Պայթյունի հետեւանքով զոհվել է 2 մարդ: Վնասվածքներ են ստացել եւս 30-ը:
Ինչպես հայտնում է «Ռոսիա24» հեռուստաալիքը, պայթյունի հետեւանքով վնասվել են շենքի մոտ կայանած մեքենաները:
Ներկայումս ոստիկանները հարցաքննում են ականատեսներին եւ կազմում հարձակվողների ֆոտոռոբոտները:
Ոստիկանները կարծում են, որ չարագործները մի քանիսն են եղել: Ոստիկանությունը կասկածում է իսլամական խմբավորումներին, որոնք կապված են ահաբեկչական «Ալ Կաիդա» ցանցի հետ, տեղական հանցախմբերին եւ աղմկոտ սրճարանից դժգոհ տեղի բնակիչներին:
