նախընտրելի դարձնելԽորհրդարանական ընտրություններին ավելի քան 98% քվեաթերթիկների հաշվարկից հետո Հունաստանում աջակենտրոն «Նոր ժողովրդավարությունը» եւ ձախակենտրոն ՊԱՍՕԿ-ը կորցնում են խորհրդարանական մեծամասնությունը: Մեծամասնության համար նրանց չի բավականացնում երկու մանդատ, եւ նրանց կոալիցիայի վերստեղծման համար եւս մեկ գործընկեր կուսակցություն է հարկավոր:
Քվեաթերթիկների 98,4%-ի հաշվարկից հետո «Նոր ժողովրդավարությունը» հավաքում է 18,9% եւ ստանում 108 պատգամավորական մանդատ, ներառյալ հաղթողին հասանելիք 50 տեղը:
ՊԱՍՕԿ-ը հավաքում է 13,2% եւ խորհրդարանում ստանում է 41 տեղ` զիջելով ՍԻՐԻԶԱ ձախ ծայրահեղական կոալիցիային (16,8% եւ 52 մանդատ). 1974 թվականից ի վեր դա տասնամյակներ շարուակ երկրի քաղաքական կյանքում առաջատար եղած կուսակցության վատագույն արդյունքն է: «Նոր ժողովրդավարությունը» եւ ՊԱՍՕԿ-ը միասին ունեն 149 տեղ` 300 տեղանոց մեկպալատյա խորհրդարանի պաշտոնական մեծամասնության համար համար 2-ով պակաս, հաղորդում է «ՌԻԱ Նովոստին»:
«Անկախ հույներ» աջ կուսակցությունը հավաքում է 10,6% եւ ստանում 33 մանդատ, Հունաստանի կոմունիստական կուսակցությունը` 8,5% եւ 26 մանդատ, «Ոսկե լուսաբաց» կուսակցության նեոֆաշիդտները` 7% եւ 21 մանդատ, իսկ ձախ «Դեմոկրատական ձախ ուժեր» կուսակցությունը` 6,1% եւ 19 մանդատ:
