նախընտրելի դարձնել«Քաղաքացիական հասարակության ինստիտուտ» հասարակական կազմակերպությունը մայիսի 7-ին կամփոփի Հայաստանի խորհրդարանական ընտրությունների ընթացքում խախտումների վերաբերյալ ահազանգերը: Նախօրեին «Շտապ իրավաբանական օգնության» ավտոմեքենաները մինչեւ ուշ գիշեր շրջել են Հայաստանի բոլոր մարզերի ընտրատեղամասերում: 080-080-804 թեժ գծով շուրջ 140 ահազանգ է ստացվել:
Ինչպես նշվում է կազմակեպության հաղորդագրության մեջ, օրինակ, 34/04 ընտրատեղամասի դիտորդները 19:00-ին հայտնել էին, որ քվեատուփերը փակված են, սակայն կնքված չեն: Նա դիմել էր ընտրական հանձնաժողովի նախագահին, սակայն վերջինս հրաժարվել էր ինչպես արձանագրություն կազմելուց, այնպես էլ խախտումը վերացնելուց: Նա նաեւ հրաժարվել էր ընդունել դիտորդի ` խախտման գրավոր նկատողությունը, որը նկարահանվել էր տեսախցիկով:
Այլ դեպք էր գրանցվել Աշոցքի 33/19 ընտրատեղամասում: Քվեարկության ամբողջ ընթացքում տուփեր գցվող ծրարների վրա ոչ ճիշտ կնիք է դրված եղել: ԿԸՀ-ի կնիքների փոխարեն օգտագործվել են անձնական կնիքներ:Այդ փաստը գրանցվել եւ թեժ գծով ուղարկվել է դիտորդներին:
Հայաստանի խորհրդարանը ձեւավորվում է խառն ընտրական համակարգով՝ 90 մանդատ համամասնական համակարգով, 41-ը՝ մեծամասնական։
Ընթացիկ խորհրդարանական ընտրություններին մասնակցում էին 9 քաղաքական ուժեր՝ ՀՀԿ, ԲՀԿ, ՕԵԿ, ՀՅԴ, «Ժառանգություն», ՀԱԿ, Կոմկուս, ՀԴԿ եւ «Միավորված հայեր»: Քվեարկության դիտարկումն իրականացրել են 53 տեղական կազմակերպությունների 31 418 դիտորդներ, ինչպես նաեւ Հայաստանում հավատարմագրված 11 տարբեր միջազգային կազմակերպությունների եւ դեսպանատների ներկայացուցիչներ:
