նախընտրելի դարձնելՄոսկվայում շարունակվում է Վլադիմիր Պուտինի երդմնակալության արարողությունը: Ըստ ավանդույթի` Պաշտպանության նախարարի ներկայությամբ տեղի է ունեցել «միջուկային ճամպրուկի» հանձնումը նոր նախագահին եւ Գերագույն հրամանատարին:
«Միջուկային ճամպրուկը» համարվում է «Կազբեկ» ռազմավարական միջուկային ուժերի կառավարման համակարգի բաղադրիչներից մեկը: Տվյալ սարքը, որը պահպանում է միջուկային զինանոցի գործողության համար անհրաժեշտ ծածկագրերը, պահպանվում է հատուկ մարդկանց կողմից, որոնց անվանում են օպերատորներ: Նրանք ամենուր ուղեկցում են առաջին դեմքերին, հայտնում է «Արգումենտի ի ֆակտին»: Գոյություն ունի այդպիսի ընդամենը երեք սարք, նրանք գտնվում են պետության ղեկավարի, պաշտպանության նախարարի եւ Գլխավոր շտաբի ղեկավարի մոտ:
«Միջուկային ճամպրուկի» հանձնումից հետո Վլադիմիր Պուտինը կնոջ հետ այցելել է Բլագովեշչենսկի տաճար, որտեղ Մոսկովյան եւ Համայն Ռուսիո պատրիարք Կիրիլը Հայրենիքին ծառայելու աղոթք է հղել:
Պատրիարքն աղոթքում Աստծուց օգնություն է խնդրել պետության նորընտիր ղեկավարի համար նրա բոլոր գործերում: Որպես ռուսական ուղղափառ եկեղեցու պարգեւ` պատրիարքը Պուտինին է հանձնել Աստվածամոր հնագույն սրբապատկերի նմուշ:
