նախընտրելի դարձնելՖրանսիայի նախագահ ընտրված սոցիալիստ Ֆրանսուա Օլանդը նոր կառավարությունում վարչապետին կնշանակի մայիսի 15-ին, գրում է AFP-ն:
Ավելի վաղ Օլանդի նախընտրական քարոզարշավի ղեկավար Պիեռ Մոսկովիսին հայտարարել էր, որ Օլանդը առաջիկա օրերին մտադիր է զբաղվել միջազգային գործերով եւ նոր կառավարության ձեւավորման հարցով չի զբաղվի:
Գործող վարչապետ Ֆրանսուա Ֆիյոնն այդ պաշտոնն զբաղեցնում է 2007թ. մայիսի 17-ին:
Նշենք, որ սոցիալիստ Ֆրանսուա Օլանդը Ֆրանսիայի նախագահ է ընտրվել` քվեարկության երկրորդ փուլում հաղթելով գործող նախագահ Նիկոլա Սարկոզիին: ՆԳՆ-ի վերջնական տվյալներով` Օլանդը 51,62% ձայն է ստացել` ի հակակշիռ Սարկոզիի 48,38%-ի: Նախագահի լիազորությունները Սարկոզիից Օլանդին կփոխանցվեն մայիսի 15-ին:
