նախընտրելի դարձնելԲելառուսի առաջնորդ Ալեքսանդր Լուկաշենկոն դեմ չէ բելառուսական ձեռանարկությունների մասնավորեցմանը, բայց դրանց դիմաց պահանջում է բարձր գին:
Ելույթ ունենալով մայիսի 8-ին բելառուս ժողովրդին եւ խորհրդարանին ուղղված ավանդական ուղերձով, նա հայտարարել է, որ «Բելոռուսկալիյ» ԲԲԸ մասնավորեցման արժեքը 30 մլրդ դոլարից, որոնց մասին ինքը խոսում էր անցած տարի, բարձրացել է մինչեւ 31,5-32 մլրդ դոլարի:
«Ով ցանկանում է` եկեք: Ցանկացողներ չկան. դեհ, ինչ, չկան, ուրեմն չկան», -նշել է նա: Այսպիսի կարծիք ունի Լուկաշենկոն նաեւ «ՄԱԶ»-ի վերաբերյալ, որով հետաքրքրվում է ռուսական «ԿԱՄԱԶ»-ը,- հայտնում է NEWSru.com:
«Վերջերս լրատվամիջոցներում ես կարդացել եմ, որ Ռուսաստանի գործիչներից մեկը` բանակցություններ վարելով «ՄԱԶ»-ի բաժնետիրացման մասին, հայտարարել է, թե բելառուսական կողմը շատ մեծ գին է պահանջել բանակցությունների ժամանակ», -նշել է Լուկաշենկոն եւ ավելացրել. «Գինը ձեռք չի տալիս, մի գա այստեղ»:
Միեւնույն ժամանակ Բելոռուսի նախագահը հայտարարել է, որ բելառուսական սեփականության ոչ մի զանգվածային վաճառք տեղի չի ունենալու: «Մասնավորեցումը պետք է լինի նորմալ եւ թափանցիկ», - հայտարարել է նա:
