նախընտրելի դարձնելԻվ Կլյայնի «Կրակ-գույն FC 1» կտավը Նյու Յորքի Christie`s աճուրդի տանը վաճառվել է 36,4 միլիոն դոլարով:
Մահից մի քանի շաբաթ առաջ նկարված կտավի գնահատված արժեքը 30-40 միլիոն դոլար էր, գրում է AP-ը:
Կլյայնը անթրոպոմետրիա (մարդաչափություն) է անվանում մարդու մարմնի մասերի հետքերը կտավի վրա: Նման կտավների ստեղծումն ավելի շատ նրկայացում է հիշեցնում. Մերկ կանայք մարմնին ներկ են քսում եւ սեղմվում սպիտակ կտավին:
Կլյայնը կյանքի վերջին տարիներին սկսեց տարերքի եւս մեկ տարր օգտագործել. Երկինքը, ծովը, տիեզերքը խորհրդանշող կապույտից հետո նա անցում կատարեց կրակին եւ սկսեց օգտագործել գազային տաքացուցիչներ այրված մակերեւույթով կտավներ ստեղծելու համար:
«Հետպատերազմյան եւ ժամանակակից արվեստի» ցուցահանդեսում ընդհանուր թվով 60 լոտ էր ներկայացված: Մարկ Ռոտկոյի «Նարնջագույն, կարմիր, դեղին» կտավը վճառվել էր 86,9 դոլարով, ինչը նոր ռեկորդ է դարձել ժամանակակից արվեստի ստեղծագործությունների շարքում:
