Նախընտրելի
Իրանի փոխարտգործնախարար Քազեմ Ղարիբաբադին հայտարարել է, որ ԱՄՆ նախագահ Դոնալդ Թրամփի հայտարարությունները՝ Իրանին նոր հարվածներ հասցնելու սպառնալիքներով, վկայում են ոչ թե Վաշինգտոնի ուժի, այլ Թեհրանի նկատմամբ ճնշման քաղաքականության ձախողման մասին:
X սոցիալական ցանցի իր հրապարակման մեջ իրանցի դիվանագետը քննադատել է ամերիկյան առաջնորդի հայտարարությունները՝ նրան մեղադրելով իրանցի ժողովրդի հասցեին սպառնալիքներ և վիրավորանքներ հնչեցնելու մեջ:
«Թրամփի այսօրվա հայտարարությունները՝ իրանցի ժողովրդին վիրավորելուց մինչև նոր հարձակումների սպառնալիքներ, ոչ թե ուժի նշան են, այլ այն քաղաքականության ձախողման ընդունում, որը տարիներ շարունակ հիմնված է եղել ուժի, պատժամիջոցների ու սպառնալիքների վրա և չի կարողացել ծնկի բերել իրանցի ժողովրդին», - գրել է Ղարիբաբադին:
اظهارات امروز ترامپ، از توهین به ملت ایران تا تهدید به حملات بیشتر، نه نشانه اقتدار، بلکه اعتراف به شکست سیاستی است که سال ها بر زور، تحریم و تهدید بنا شده و نتوانست ملت ایران را به زانو درآورد. با ترامپ جنایتکار و قاتل باید با زبان خودش صحبت کرد، ظاهرا زبان زور را بهتر می فهمد!
— Gharibabadi (@Gharibabadi) July 8, 2026
Դիվանագետը հայտարարել է նաև, որ Թրամփի հետ անհրաժեշտ է խոսել այն լեզվով, որն իբր նա հասկանում է:
«Հանցագործ և մարդասպան Թրամփի հետ պետք է խոսել իր իսկ լեզվով: Թվում է, թե ուժի լեզուն նա ամենից լավ է հասկանում»,- հավելել է Իրանի ԱԳՆ փոխնախարարը:
Ղարիբաբադիի հայտարարությունը հնչել է այն բանից հետո, երբ Թրամփը հայտարարել էր Իրանի դեմ ռազմական գործողությունների հնարավոր շարունակման մասին, ինչպես նաև քննադատել էր Թեհրանի գործողությունները Հորմուզի նեղուցի շուրջ վերջին սրումից հետո:
