նախընտրելի դարձնելՌուս նավաստին ստրկացվել է եւ մահացել Պարսից ծոցում` արտասահմանյան նավի վրա:
Ըստ հետաքննության` նախորդ տարվա հունիսի սկզբից մինչեւ օգոստոսի վերջը ռուսը խառատ է աշխատել SS ROSS նավի վրա, որը գրանցված է եղել Ֆունաֆութի քաղաքի նավահանգստում` որպես Տուվալուից եկած: «Պրիմորսկի շրջանի 63-ամյա բնակիչը նավում մարմնական վնասվածքներ է ստացել, զրկված է եղել բժշկական օգնությունից եւ նավը լքելու հնարավորությունից: Ավելին, նավի վրա իր ծառայողական պարտականություններից հրաժարվելու հնարավորություն նա չի ունեցել», – պատմել են Հեռավորարեւելյան տրանսպորտային դատախազության մամուլի ծառայությունում, հայտնում է «dni.ru»-ն:
Նավաստու մահվան առթիվ հարուցվել է քրեական գործ «Ստրկական աշխատանքի կիրառում, որն անփութության հետեւանքով հանգեցրել է տուժածի մահվան» հոդվածով: Առավելագույն պատիժը 15 տարվա ազատազրկումն է:
Քննիչները պետք է պարզեն Տուվալուից եկած նավի իսկական տիրոջ ինքնությունը: Նավաստիների արհեստակցական միությունների կազմակերպությունների ներկայացուցիչները չեն բացառում, որ դա կարող է ռուս գործարար եղած լինել, որը նավը գրանցել է «հարմար դրոշի» ներքո:
