նախընտրելի դարձնելՀայկական ձկնամթերքը չի կարող մրցունակ լինել եվրոպական շուկայում։ Այս մասին Կառավարության շենքի մոտ ընթացող ձկնաբույծների բողոքի ակցիայի ժամանակ լրագրողների հետ զրույցում հայտարարել է ակցիայի մասնակիցներից մեկը։
«Եկել ենք, որպեսզի հանդիպենք փոխվարչապետի և նախարարի հետ։ Մեկ ամիս առաջ հանդիպում տեղի ունեցավ, խոստացան արագ լուծել հարցերը․ անցել է մեկ ամիս, հարցերը լուծված չեն։ Մենք մրցունակ չենք եվրոպական շուկայում», - ընդգծել է ձկնաբույծը։ Նրա խոսքով՝ նորվեգական ընկերությունը ավելի քան 1 միլիոն արտադրանք է մատակարարում եվրոպական շուկա։ Հայաստանից ՌԴ է մատակարարվում 12-15 հազար տոննա, ընդ որում, ռուսական շուկան հաջողվել է զբաղեցնել պատժամիջոցների ներդրումից հետո․ «Անգամ ՌԴ-ում մեզ համար դժվար կլիներ մրցակցել։ Հասցնել Եվրոպա ու մրցել հենց իրենց տանը, ի՞նչ եք կարծում, դա ինչպե՞ս է հնարավոր»։
Նա նշել է, որ մարդիկ եկել են սուբսիդիաներ և ժամանակավոր աջակցություն պահանջելու, մինչև պարզ դառնա, թե ուր և ինչպես են մատակարարելու արտադրանքը։
«Անհնար է համբերել։ Ձուկը կարո՞ղ է ապրել առանց սննդի», - վրդովվել է ձկնաբույծը՝ հավելելով, որ տասնամյակներ ի վեր զարգացող ոլորտը կանգնած է փլուզման եզրին։
Ձուկը մեծանում է մի քանի տարում, ձուկ աճեցնելը դժվար է, մենք մեր հոգին ենք դնում դրա արտադրության մեջ, իսկ շատերին թվում է, թե դա հեշտ ու հասարակ բան է, վրդովված շարունակել է ձկնաբույծը։
