Հայաստանի լոգիստիկ ոլորտը այսօր ապրում է լուրջ փոփոխությունների շրջան։ Աշխարհաքաղաքական գործընթացները, ավանդական առևտրային երթուղիների վերակառուցումը և արտահանման նոր շուկաներ դուրս գալու անհրաժեշտությունը հայկական բիզնեսի առջև դնում են նոր խնդիրներ։ Արտահանման ներուժի զարգացման համար պահանջվում են ժամանակակից լոգիստիկ լուծումներ, նոր ենթակառուցվածքներ և տրանսպորտային արդյունավետ ծառայություններ։ Այն մասին, թե ինչպիսի մարտահրավերների է այսօր բախվում ոլորտը, ինչպիսի լուծումներ են արդեն գտնում շուկայի մասնագիտացված մասնակիցները և ինչպես է փոխվում լոգիստիկան նոր պայմաններում, Ecomonix-ը խոսել է Prime Logistic Services ընկերության հիմնադիր և գլխավոր տնօրեն Արտակ Մարգարյանի հետ։