նախընտրելի դարձնելՁերբակալվել է մայիսի 6-ի գիշերը «Միլիոնների երթին» մասնակցելու համար ընդդիմադիրներին Պետերբուրգից Մոսկվա տեղափոխած վարորդներից մեկը: Նա Ռուսաստանում գրանցում չունեցող Վրաստանի քաղաքացի է:
ՊԱՌՆԱՍ-ի տարածաշրջանային բաժանմունքի համանախագահ Անդրեյ Պիվովարովի խոսքով` վարորդը ձերբակալվել է Մոսկվայի ճանապարհին, եւ այժմ պատրաստվում են նրան արտաքսել:
«Միաժամանակ ձերբակալման արձանագրությունում ուղղակիորեն նշված է, որ նա ընդդիմադիրների է տեղափոխել ակցիային մասնակցելու»,-ընդդիմադրի խոսքերը մեջբերում է Neva 24-ը:
Մայիսի 5-ի լույս 6-ի գիշերը Սանկտ-Պետերբուրգից Մոսկվա է տեղափոխվել ընդդիմադիրների ընդամենը երկու ավտոբուս:
Ակտիվիստներն ավելի շատ ավտոբուսներ էին պատվիրել, բայց մնացածներին ճանապարհին կանգնեցրել էր Ճանապարհային ոստիկանությունը:
