նախընտրելի դարձնելԵս չեմ պատրաստվում վերադառնալ փաստաբանական գործունեությանը։ Այս մասին Ազգային ժողովի նիստում ընդդիմությունից փոխնախագահի ընտրության հարցի քննարկման ժամանակ օգոստոսի 6-ին հայտարարել է այդ պաշտոնի թեկնածու, «Ուժեղ Հայաստան» խմբակցության պատգամավոր Արամ Վարդևանյանը։
«Ես որոշում եմ կայացրել չվերադառնալ փաստաբանական գործունեությանը։ Սա մի ուղի է, որը ես պետք է անցնեմ, և ես այն կանցնեմ», — վստահեցրել է Վարդևանյանը։
Նա պատմել է, որ այս որոշումն ընդունել է «Ուժեղ Հայաստան» կուսակցության ղեկավար Սամվել Կարապետյանի հետ հանդիպումից հետո, ումից ստացել է քաղաքական թիմին միանալու առաջարկը։
«Ես հասկացա, որ կուսակցության ղեկավար Սամվել Կարապետյանը բացառիկ տեսլական ունի Հայաստանի Հանրապետության քաղաքացիների ապագայի վերաբերյալ», — նշել է ընդդիմադիր պատգամավորը։
