նախընտրելի դարձնելՊերուի եւ Չիլիի սահմանին մայիսի 14-ին, 6,0 մագնիտուդով երկրաշարժ է տեղի ունեցել:
Ինչպես ԱՄՆ-ի երկրաբանական ծառայությանը վկայակոչելով հաղորդում է Reuters-ը, գրանցվել են ստորերկրյա երկու ցնցումներ` 5,9 եւ 6,0 մագնիտուդ հզորությամբ:
Ինչպես Չիլիի համալսարանի օդերեւութաբանական ծառայությանը հղում անելով հայտնում է «Ինտերֆաքսը», ցնցման ուժգնությունը նվազագույնը 6,4 բալ էր ` Ռիխտերի սանդղակով: Ցնցումների էպիկենտրոնը գտնվել է Չիլիի հյուսիսային Պուտրե քաղաքից 139 կմ արեւմուտք:
Չիլիական Radio Cooperativa ռադիոկայանի տվյալներով` երկրաշարժը տեղի բնակիչներին վնասներ չի հասցրել: Ցունամիի առաջացման վտանգի նախազգուշացում չկա:
