նախընտրելի դարձնելՀայ առաքելական եկեղեցու Գերագույն հոգեւոր խորհուրդը մայիսի 15-ին նիստ կհրավիրի, որի ընթացքում կքննարկվի Թբիլիսիում հայկական Սուրբ Նշան եկեղեցու պատը փլվելու հարցը:
Այդ մասին NEWS.am-ի թղթակցի հետ զրույցում հաղորդել է Սուրբ Էջմիածնի առաջնորդարանի մամուլի քարտուղար տեր Վահրամ Մելքոնյանը` նշելով, որ «Սուրբ Նշան» եկեղեցին այդպես էլ չի փոխանցվել Հայ առաքելական եկեղեցու վիրահայոց թեմին:
Ըստ նրա` Հայ առաքելական եկեղեցին անհանգստացած է Վրաստանում հայկական եկեղեցիների վիճակով, եւ, մասնավորապես, «Սուրբ Նշան» եկեղեցու ճակատագրով, որը ողբերգական վիճակում է գտնվում, եւ դա հարուցում է Մայր Աթոռ Սուրբ Էջմիածնի զայրույթը:
Նշենք, որ Թբիլիսիում քանդվել էր Սերեբրյաննայա փողոցում գտնվող «Սուրբ Նշան» հայկական եկեղեցու մի մասը: Բեկորներն ընկել էին բակում գտնվող տան վրա, եւ քանդել դրա պատը: Ըստ նախնական վարկածի` փլուզումը Թբիլիսիում երկու օր առաջ տեղացած հորդառատ անձրեւի հետեւանք է: Հայկական «Սուրբ Նշան» եկեղեցին արդեն բավականին տուժել էր 2012 թվականի հունվարի 2-ի եւ 9-ի հրդեհներից:Այն ժամանակ Թբիլիսի էր ուղարկվել Հայաստանի մշակույթի նախարարության փորձագիտական խումբ: Վրացական իշխանությունների հետ պայմանավորվածություն էր ձեռք բերվել եկեղեցու վերականգնման վերաբերյալ:
